Hugo Þórisson er fæddur í Reykjavík 25. maí 1949. Hann varð stúdent frá
Menntaskólanum við Hamrahlíð 1970. Hugo las eitt ár í félagsfræði við Háskóla Íslands
að loknu stúdentsprófi en hélt síðan til Noregs þar sem hann las sálfræði 1971-72 en
þá um haustið hélt hann til Árósa til frekari náms í sálarfræði. Lauk hann þar
embættisprófi í sálfræði (cand. psych) veturinn 1979.

Hugo starfaði fyrst innan grunnskóla á sálfræðideild Fræðsluskrifstofu Reykjavíkur
veturinn 1979. 1991 hóf hann störf hjá Félagsmálstofnun Reykjavíkur og starfaði
þar sem yfirsálfræðingur að málefnum unglinga til ársins 1996 er sérsök þjónusta við
unglinga innan FR var lögð niður. Frá árinu 1996 hefur Hugo starfað sjálfstætt að
sálfræðistörfum. M.a. hefur Hugo starfað að sálfræðistörfum fyrir Skólaskrifstofu
Austurlands og sinnt þá málefnum barna og unglinga á því svæði.
Síðan 1998 hefur hann starfað að sálfræðistörfum hjá Grindavíkurbæ og frá ársbyrjun
1999 verið í hlutastarfi fyrir Skólaskrifstofu Kópavogs við störf innan grunnskóla.

1985 stofnaði Hugo fyrirtækið Samskipti: fræðsla og ráðgjöf ásamt
Wilhelm Norðfjörð sálfræðingi. Þeir eru báðir þjálfaðir leiðbeinendur í aðferðum
Dr. Thomasar Gordons (gordontraining.com) og hafa umboð fyrir námskeið hans hér á landi.
Á sama tíma hefur Hugo rekið eigin sálfræðistofu, haldið fjölmörg námskeið fyrir foreldra,
fagfólk innan uppeldis- og menntasviðs, verið eftirsóttur fyrirlesari um uppeldismál
og málefni er varða samskipti fólks, ekki síst á vinnustöðum. Á síðari árum hefur
Hugo í auknum mæli haldið námskeið um bætt samskipti á vinnustöðum
og m.a. haldið námskeið á þessu ári fyrir starfsmenn Íslenska Jánblendifélagsins,
Búnaðarbanka Íslands, Fjölbrautarskóla Suðurnesja, Miðlun, m.m..

Hugo er kvæntur Ragnheiði Hermannsdóttur kennara og eiga þau fjögur börn og eitt barnabarn.